![](/static/news/b/2023/09/841127.jpg)
Ի տարբերություն որոշ գործիչների, պաշտպանության նախարարը «Եռաբլուր» զինվորական պանթեոն չի այցելում սեփական փիառի նպատակով: Ներողություն ենք հայցում նահատակների ընտանիքներից ավելորդ շահարկումների համար:
Սեպտեմբերի 13-16-ը ֆեյսբուքյան մի շարք օգտատերեր, քաղաքական և հասարակական գործիչներ, այդ թվում՝ ՀՀ ԱԺ պատգամավոր Գեղամ Մանուկյանը, իրականությանը չհամապատասխանող գրառումներ են կատարել այն մասին, թե պաշտպանության նախարարը 2022 թ.-ի սեպտեմբերի 13-14-ը Հայաստանի Հանրապետության ինքնիշխան տարածքը պաշտպանելիս զոհված զինծառայողների հիշատակը հարգելու նպատակով «Եռաբլուր» զինվորական պանթեոն չի այցելել։
Պաշտպանության նախարարությունը հայտնում է, որ ՀՀ պաշտպանության նախարարը սեպտեմբերի 13-ի վաղ առավոտյան՝ ժամը 08։10-ին, այցելել է «Եռաբլուր» զինվորական պանթեոն:
Նախարարը հարգանքի տուրք է մատուցել 2022 թվականի սեպտեմբերի 13-14-ը ՀՀ ինքնիշխան տարածքն անձնվիրաբար պաշտպանելիս զոհված հայորդիների հիշատակին:
Պաշտպանության նախարարը ծաղկեպսակ է դրել և ծաղիկներ խոնարհել Հայրենիքի ազատության և անկախության համար զոհվածների սխրանքը հավերժացնող հուշապատին:
Պաշտպանության նախարարությունը հրապարակում է 2023 թվականի սեպտեմբերի 13-ին «Եռաբլուր» զինվորական պանթեոն նախարարի այցի տեսանյութը և լուսանկարները ու հորդորում ֆեյսբուքյան օգտատերերին, քաղաքական և հասարակական գործիչներին զերծ մնալ ավելորդ և անհարկի շահարկումներից։
Պաշտպանության նախարարությունը նմանօրինակ գրառումների հեղինակներին նաև հեռախոսազանգով իրազեկել է, որ պաշտպանության նախարարի՝ «Եռաբլուր» չայցելելու մասին տեղեկությունները չեն համապատասխանում իրականությանը։
![Возможно, это изображение 1 человек и памятник](https://scontent.fevn12-1.fna.fbcdn.net/v/t39.30808-6/378120909_284697531007670_7925211251345621292_n.jpg?_nc_cat=108&ccb=1-7&_nc_sid=5614bc&_nc_ohc=WOLIRR4nDHQAX_DBCA8&_nc_ht=scontent.fevn12-1.fna&oh=00_AfCFuqBqViaDc9a2FZidreOcH-U3uMGQUuWP70xyeR5Vhg&oe=650AA60C)
![Возможно, это изображение 1 человек и памятник](https://scontent.fevn12-1.fna.fbcdn.net/v/t39.30808-6/376266284_284697517674338_1763097633003206705_n.jpg?_nc_cat=107&ccb=1-7&_nc_sid=5614bc&_nc_ohc=luHaLazFLLkAX9yVQC8&_nc_ht=scontent.fevn12-1.fna&oh=00_AfBggMdq3ZvYYJ_fJbIN72XeIubCLC3Eixqi2iD5ceq4yA&oe=650B0E2D)
![Возможно, это изображение 4 человека и памятник](https://scontent.fevn12-1.fna.fbcdn.net/v/t39.30808-6/378137817_284697501007673_5777154597787298586_n.jpg?_nc_cat=102&ccb=1-7&_nc_sid=5614bc&_nc_ohc=PvBq2lHJYkoAX_8bTwF&_nc_ht=scontent.fevn12-1.fna&oh=00_AfBrOmZUxjvdxdBBdYQnfq8EqlGrH3OZj9yXUHS5rN9WBA&oe=650AD175)
Նյութի աղբյուր՝ https://www.facebook.com/permalink.php?story_fbid=pfbid02F5g6T7JAgvBXz8uiFb3ndtW5KUhh3JZ6aFwsTFe8isBbXLaxjskJ977oVo1YqQpyl&id=100084022759287
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել