![](/static/news/b/2021/10/775307.jpg)
Այս լուսանկարներում Հռոմի Սրբազան Քահանայապետ Ֆրանցիսկոս Պապին ներկայացնում եմ հայկական կողմի գերիների նկատմամբ ադրբեջանական խոշտանգումները:
Հանդիպումից առաջ Սուրբ Աթոռի արձանագրային ծառայությունը տեղեկացրել էր, որ Պապի հետ անհատական ձեքսեղմման ժամանակ երկխոսություն գրեթե չի լինում, հնարավոր է միայն ողջունել՝ 1-2 րոպե առավելագույնը տևողությամբ:
Երբ Սրբազան Քահանայապետը մոտեցավ ինձ, Ամենայն Հայոց Կաթողիկոսը ներկայացրեց ինձ և ասաց, որ ես հատուկ խոսք ունեմ ասելու: Այդ պահին, նախ, երախտագիտությունս հայտնեցի Հռոմի Պապին Արցախի դեմ Ադրբեջանի սանձազերծած պատերազմական հարձակումները դադարեցնելու, Ադրբեջանում պահվող հայ գերիներին ազատ արձակելու վերաբերյալ հայտարարությունների համար:
Այնուհետև, նշեցի, որ հայ գերիների մի մասը կյանքի սպառնալիքի առաջ անօրինական պահվում է Ադրբեջանում և խոսեցի ՀՀ սահմանային բնակչությա դեմ ադրբեջանական խախտումների մասին:
Այդ պահին նաև նշեցի, որ ինձ հետ բերել եմ այդ ամենն ապացուցող զեկույցներս ու հանձնեցի Պապին:
Սրբազան Քահանայապետը վերցրեց զեկույցները, բացեց թերթեց և տեսավ նաև դաժանությունների վերաբերյալ նկարները: Շնորհակալություն հայտնեց կարևոր զեկույցների համար ու ասաց, որ Ամենայն Հայոց Կաթողիկոսի հետ այս հարցը նույնպես քննարկել են:
Հետո օրհնության անհատական ողջույնի ժամանակ նորից հատուկ շնորհակալություն հայտնեց կարևոր աշխատանքի և զեկույցները փոխանցելու համար: Առանձին հանձնարարեց նաև իր օգնականին ուսումնասիրել և իրեն առանձին ներկայացնել դրանք:
------
Հռոմի Պապին երեք զեկույց եմ փոխանցել. առաջինն այսպես կոչված «ռազմավարի պուրակի» մասին, որը մարդկային տառապանքների թանգարան է բաց երկնքի տակ, որի հիմքում հայատյացությունն է: Զեկույցն ապացուցում է, որ «ռազմավարի պուրակը» ավելի է խրախուսում ատելությունը:
Երկրորդ զեկույցն Ադրբեջանի պատասխանատվության մասին է հայ գերիներին խոշտանգելու համար՝ հիմնավոր ապացույցներով, իսկ երրորդը՝ գերիների ցուցմունքները քրեական գործի հիմքում դնելու արգելքի վերաբերյալ է:
Զեկույցը հիմնավորում է, որ ադրբեջանական իշխնությունները հայ գերիների նկատմամբ անօրինական քրեական դատավարություններ են հարուցել նրանց այն ցուցմունքների հիման վրա, որոնք ստացել են խոշտանգումներով ու անմարդկային վերաբերմունքով:
Արման Թաթոյան
Հայաստանի մարդու իրավունքների պաշտպան
![May be an image of 3 people and people standing](https://scontent.fevn12-1.fna.fbcdn.net/v/t1.6435-9/244377898_941979476401258_3734463092217713565_n.jpg?_nc_cat=106&ccb=1-5&_nc_sid=8bfeb9&_nc_ohc=Lt9ymQ3cD_EAX8wLXMU&_nc_ht=scontent.fevn12-1.fna&oh=f28f3e0b89c2c60835de0f9da66d5cba&oe=6186082A)
![May be an image of 4 people and people standing](https://scontent.fevn12-1.fna.fbcdn.net/v/t1.6435-9/244333906_941979609734578_7423665329038807791_n.jpg?_nc_cat=100&ccb=1-5&_nc_sid=8bfeb9&_nc_ohc=O_UNZqRw8vMAX_J_0h7&_nc_ht=scontent.fevn12-1.fna&oh=e3a35d64fdab4f47314a2b76fa88833e&oe=6184B16A)
![May be an image of 3 people, including Hayk A. Martirosyan and people standing](https://scontent.fevn12-1.fna.fbcdn.net/v/t1.6435-9/244335122_941979509734588_3870649559721405664_n.jpg?_nc_cat=110&ccb=1-5&_nc_sid=8bfeb9&_nc_ohc=j_6jlXtKTn0AX9WQAuo&_nc_ht=scontent.fevn12-1.fna&oh=dcb45288926889ab934bd56e93455c52&oe=6184D6E7)
![May be an image of 3 people and people standing](https://scontent.fevn12-1.fna.fbcdn.net/v/t1.6435-9/244344946_941979576401248_1367028810454991732_n.jpg?_nc_cat=106&ccb=1-5&_nc_sid=8bfeb9&_nc_ohc=Ls9GVVdsYrAAX91NlE0&_nc_ht=scontent.fevn12-1.fna&oh=1f87073a48ef367b390421254b0ae7a8&oe=61852FC7)
![May be an image of 5 people and people standing](https://scontent.fevn12-1.fna.fbcdn.net/v/t1.6435-9/244334985_941979663067906_73835394072723549_n.jpg?_nc_cat=111&ccb=1-5&_nc_sid=8bfeb9&_nc_ohc=CtzuEV3_Vb8AX_GLULd&tn=omeZZXozeZ9V84vm&_nc_ht=scontent.fevn12-1.fna&oh=f813dc34b0774cfdf2315c9dff0d1824&oe=61837097)
Նյութի աղբյուր՝ https://www.facebook.com/permalink.php?story_fbid=941979763067896&id=100017676420633
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել