Impoqrik.am-ը գրում է.
Սկսենք գոտկատեղից, որի վրա հղիության հետքերն ավելի տեսանելի են, հատկապես, եթե ավելորդ քաշի խնդիր չեք ունեցել: Նման փոփոխությունները պայմանավորված են արգանդի լայնացմամբ կամ էլ նախորդ հղիության ժամանակ կոնքի լայնացմամբ: Դա նաև կարող է նշանակել քաշի ինտենսիվ ավելացում: Տվյալ պատագայում ցանկալի է վերլուծել ձեր սննդացանկը: Հնարավոր է, որ Դուք օգտագործում եք ավելորդ կալորիաներ կամ անառողջ սնունդ: Հիշեք, , որ Ձեր նպատակն է ոչ թե ավելորդ կիլոգրամների կորուստը, որը կարող է վտանգավոր լինել, այլ առողջ սնունդը:
Հղիության ընթացքում փորը պահանջում է շատ ուշադրություն, քան նախկինում: Այն պարզ պատճառով, որ Ձեր ներսում բնակվում է փոքրիկ մարդուկ, որը օգնության կարիք ունի: Այն պահին, երբ Դուք նուրբ մերսում եք Ձեր փորը, փոքրիկը ստանում է իրեն հասանելի շոյանքները: Դրանով հանդերձ կարգավորվում է Ձեր մաշկի արյան շրջանառությունը: Ցորենի հիմքով մերսման յուղը բավականին արդյունավետ կլինի լարվածությունը հանելու և մաշկի խնամքի գործում:
Դուք կարող ենք հանդիպել մեկ այլ խնդրի` փորի շրջանում բծերի: Դրանց առաջացման պատճառներ կարող է լինել առաձգական մանրաթելերի քայքայումը: Այն պայմավորված է կարտիզոն հորմոնի չափից ավելի արտադրմամբ: Հղիների 70%-ը ունենում է նման խնդիր: Եվ, ցավոք սրտի, այս խնդրի լուծման էֆեկտիվ միջոց դեռևս չկա:
Կրծքի խնամքը հղիության ընթացքում
Ձեր կուրծքը նույնպես արժանի է ոչ պակաս ուշադրության, քանի որ հենց նա է ենթարկվում բավականին մեծ փոփոխությունների: Դա հետագայում փոքրիկի սնուցման կարևորագույն օրգան է: Կրծքի քաշը ավելանում է և մաշկը ձգվում է: Դրա հետ կապված կարող է առաջանալ հյուսվածքների հիվանդագին լարվածություն: Նման պատագայում Ձեզ օգնության կգան հղիների համար նախատեսված կիպ ընդգրկող կրծկալները, որոնք իրենց վրա կվերցնեն ծանրությունը:
Ոտքերի խնամքը հղիության ընթացքում
Այժմ խոսենք ոտքերի մասին և հատկապես այն մասին, թե ինչպիսի փոփոխությունների կարող է ենթարկվել տղամարդկանց հայացքների թիրախը: Ամենատարածված խնդիրներից մեկը երակներն են: Երակային ցանցը հղիության ընթացքում ավելի շատ արյուն է ուղարկում դեպի սիրտը: Պատահում է, որ արյունը կուտակվում է երակներում՝ առաջացնելով այտուցներ, երակների լայնացում: Պատճառներից են ժառանգական գործոնը, նույն դիրքում երկար մնալը (երկար կանգնած կամ նստած մնալը):
Չնայած նրան, որ սա լուրջ խնդիր է, մի շտապեք վախենալ:
Ահա մի քանի խորհուրդներ, որոնք կօգնեն Ձեզ խուսափել կամ գոնե մեղմացնել ոտքերի այտուցները.
Նախազգուշացում: Երակների վիրահատություն հղիության ընթացքում չի թույլատրվում:
Դուք հավանաբար գիտեք, որ հիմա ավելի հաճախ և արագ կհոգնեք: Ոտքերի կոնտրաստային վաննաները քնելուց առաջ հաճելիորեն կհանեն հոգնածությունը և կնպաստեն հանգիստ քնին: Դուք կարող եք վաննա ընդունել որոշակի հավելումներով, որոնք ոչ միայն կօգնեն ազատվել հոգնածությունից, այլ նաև կնպաստեն գեղեցկությանը: Բաղադրատոմսը բավականին հեշտ է՝ մի բաժակ սերուցքի հետ խառնեք մի քանի կաթիլ հանգստացնող որևէ եթերայուղ և դրանով լոգանք ընդունեք: