Նստած, գնացքի սպասելիս է եղել․ ինչպես է տեղի ունեցել դժբախտ դեպքը մետրոպոլիտենում


14:28 , 22 ապրիլ, 2024

Factor.am-ը գրում է․

Երեկ հայտնել էինք, որ Երևանի մետրոպոլիտենում՝ ժամը 20:00-ի սահմաններում 28-ամյա քաղաքացի է նետվել «Զորավար Անդրանիկ» կայարան ժամանող գնացքի տակ և մահացել։


Երևանի մետրոպոլիտենի մամուլի քարտուղար Տաթև Խաչատրյանը Factor.am-ի հետ զրույցում ասաց, որ մետրոպոլիտենի աշխատակիցներ տեղում եղել են, սակայն ամեն ինչ վայրկյանների ընթացքում է կատարվել, ինքնասպանությունը կանխել հնարավոր չի եղել։ «Շատ արագ է ստացվել․ ինքը իրեն գցել է գնացքի տակ։ Տեղում աշխատակիցներ եղել են, բայց ժամանակ չի եղել»,- մանրամասնեց խոսնակը։