ՌԴ գլխավոր դատախազությունն սկսել է Պուգաչովային օտարերկրյա գործակալ ճանաչելու ընթացակարգը
13:20 , 27 մարտ, 2024Կոռուպցիայի դեմ պայքարի դաշնային նախագծի ղեկավար Վիտալի Բորոդինը հայտնել է, որ գլխավոր դատախազությունն սկսել է էստրադային երգչուհի Ալլա Պուգաչովային օտարերկրյա գործակալ ճանաչելու ընթացակարգը։ Այս մասին տեղեկացրել է SHOT Թելեգրամ-ալիքը։
Նրա խոսքով՝ գերատեսչությունը համապատասխան խնդրանք է ուղարկել արդարադատության նախարարություն։ Ընթացակարգն սկսելու պատճառ են դարձել երգչուհու խոսքերն այն մասին, որ նորմալ մարդիկ չեն պատրաստվում վերադառնալ Ռուսաստան։
Բացի այդ, երգչուհին ենթարկվել է քննադատության, քանի որ ոչ մի կերպ չի արձագանքել ահաբեկչությանը, որը տեղի է ունեցել մարտի 22-ին «Կրոկուս սիթի հոլում»։