Հյուսիսային Կորեան երկու դեռահասի դատապարտել է 12 տարվա ծանր աշխատանքի՝ հարավկորեական դրամաներ դիտելու համար
10:27 , 22 հունվար, 2024Համացանցում հայտնվել են տեսանյութեր Հյուսիսային Կորեայից, որտեղ երկու դեռահասներ 12 տարվա ծանր աշխատանքի են դատապարտվում հարավկորեական դրամատիկական սերիալ դիտելու համար։
Տեսանյութում, որը տրամադրվել է արևմտյան հեռուստաալիքների կողմից, կարծես թե նկարահանվել է 2022 թվականին, երեւում է, որ մոխրագույն համազգեստով երկու դեռահասների ձեռնաշղթաներ են հագցնում բեմում, իսկ հարյուրավոր երեխաներ մարզադաշտում լուռ դիտում են տեղի ունեցողը:
Հյուսիսային Կորեայում արտասահմանյան լրատվամիջոցների դիտումը կամ տարածումը, հատկապես Հարավային Կորեայից, համարվում է լուրջ հանցագործություն:
2020 թվականին Հյուսիսային Կորեան ընդունել է օրենք, որը կոչվում է «Կորեայի Ժողովրդադեմոկրատական Հանրապետության ռեակցիոն գաղափարախոսության և մշակույթի մերժման մասին օրենքը», որով «թշնամի երկրներից» ժամանցային հաղորդումներ դիտելը կամ տարածելը պատժվում է ազատազրկմամբ կամ նույնիսկ մահով:
Օրենքը նաև արգելում է բջջային հեռախոսների միջազգային ծառայությունները և հարավկորեական սլենգ օգտագործելը: