Մեծ Բրիտանիայի թագավոր Չարլզ III-ը շնորհավորել է Կիմ Չեն Ընին ԿԺԴՀ-ի օրվա կապակցությամբ
10:44 , 11 սեպտեմբեր, 2023Մեծ Բրիտանիայի թագավոր Չարլզ III-ը և Ալժիրի նախագահ Աբդելմաջիդ Տեբունը շնորհավորանքներ են հղել Հյուսիսային Կորեայի առաջնորդ Կիմ Չեն Ընին՝ իր երկրի հիմնադրման օրվա կապակցությամբ, հայտնում է Կորեայի կենտրոնական լրատվական գործակալությունը։
Չարլզ III-ը սեպտեմբերի 9-ին իր շնորհավորանքն է հղել՝ ԿԺԴՀ-ի ժողովրդին «պայծառ ապագայի» մաղթանքներ հայտնելով:
Ալժիրի նախագահը Կիմ Չեն Ընին մաղթել է առողջություն, իսկ «ԿԺԴՀ-ի բարեկամ ժողովրդին» բարգավաճում և առաջընթաց։ Նա նաև պատրաստակամություն է հայտնել ակտիվացնել խորհրդակցությունները ընդհանուր հետաքրքրություն ներկայացնող հարցերի շուրջ և ամրապնդել երկու երկրների միջև «պատմական բարեկամական հարաբերությունները»։