Յունիբանկի նոր վճարային տերմինալների միջոցով կարող ես տեղում կատարել բանկային հաշվի համալրում և վարկի մարում

Յունիբանկն իր մասնաճյուղերում սկսել է տեղադրել նոր վճարային տերմինալներ, որոնց միջոցով կարող ես կատարել բանկային հաշվի համալրում և վարկի մարում: Վճարման գործընթացը բավականին պարզ է: Ընդամենը պետք է ընտրես անհրաժեշտ գործարքը և հետևես տերմինալի էկրանին առաջարկվող քայլերի հերթականությանը: Այսինքն` վարկի մարման համար այլևս պետք չէ մոտենալ սպասարկողին: Ցանկության դեպքում դա հեշտությամբ կարելի է անել ինքնուրույն:
Արդեն տեղադրված է 35 տերմինալ: Բանկում խոստանում են, որ դրանք կլինեն բոլոր մասնաճյուղերում: