19:08 , 24 հուլիս, 2013
Չնայած ֆինանսատնտեսական ճգնաժամին` 2000-ականների երկրորդ կեսը հնարավորություն ընձեռեց բազմաթիվ երիտասարդների հաջողությունների հասնել բիզնեսում: Այս ցուցակում ընդգրկված մարդկանցից ոմանք` ծնողների օգնությամբ, ոմանք էլ` 0-ից սկսելով, բազմամիլիոնանոց կարողություններ են դիզել` դեռ 33 տարեկանները չբոլորած:
Ձեզ եմ ներկայացնում այդ երիտասարդ մեծահարուստներին և նրանց հարստացման պատմությունները:
Իլիա Շերշնյով, 30 տարեկան
Gallway Capital
Ենթակայության տակ գտնվող ակտիվները՝ 100 միլիոն դոլար
Հանդիսանալով Տնտեսագիտության բարձրագույն դպրոցի ուսանող` Շերշնյովը որոշ ժամանակ աշխատեց «Penny Lane Realty» ընկերությունում, իսկ հետո՝ 2001 թվականին, հիմնեց «Swiss Realty Group» ընկերությունը, որը միջնորդական ծառայություններ էր մատուցում կոմերցիոն անշարժ գույքի վարձակալման շուկայում: 2000-ականների կեսին այս ընկերության շրջանառությունը հատեց տարեկան 10 միլիոն դոլարի սահմանը, բայց 2008-2009 թվականի ճգնաժամի արդյունքում Շերշնյովը փակեց իր ընկերությունը և այժմ զբաղվում է երեք privete equity հիմնադրամների փայատերերի միջոցների կառավարմամբ և գնորոշմամբ: Մասնագիտացումը նա չի փոխել, Շերշնյովը շարունակում է մնալ կոմերցիոն անշարժ գույքի դաշտում: Փոխվել է նրա գործնական հետաքրքրությունների տիրույթը՝ խնդրահարույց ակտիվներ և կարճաժամկետ գործարքներ:
Դմիտրի Սալիխով, 28 տարեկան
i՛way
Շահույթը՝ 280 միլիոն ռուբլի (մոտավորապես 9 միլիոն դոլար)
Նովոսիբիրցի Դմիտրի Սալիխովը փոխել է 7 աշխատանք՝ տաքսիստից մինչև մենեջեր: Երբ 2009 թվականին նա ընկավ կրճատման տակ, որոշեց սեփական բիզնեսը հիմնել՝ տրանսֆերային փոխադրումների ոլորտում: Նա վարձեց մի քանի վարորդների, ովքեր ուղևորներ էին փոխադրում օդանավակայաններից, իսկ հետո, երբ բավարար քանակով փող կուտակեց, վարձեց նաև գրասենյակ և սկսեց համագործակցել պրոֆեսիոնալ վարորդների և տաքսի ծառայությունների հետ:
Սալիխովի ընկերությունն աստիճանաբար ձեռք բերեց կորպորատիվ հաճախորդների կուռ բանակ: i՛way-ը իր գրասենյակները բացեց նաև Մոսկվայում ու Սանկտ Պետերբեւրգում, իսկ այժմ ընկերությունն ընդունում է պատվերներ աշխարհի 65 երկրների ավելի քան 200 քաղաքներում և զբաղված է սեփական ավտոպարկ ստեղծելով:
Անդրեյ Գուզաիրով, 27 տարեկան
Federal Finance Group
Կապիտալիզացիան՝ 20 միլիոն դոլար
2010 թվականից զբաղվում է համացանցային բիզնեսով և երեք տարվա ընթացքում կուտակած միջոցներով ստեղծեց «CreditCardsOnline» ընկերությունը, որը զբաղվում է ռուսական բանկերի վարկային քարտերի վաճառքով: Գաղափարը նա փոխառել էր մի ամերիկյան ընկերությունից, որտեղ ժամանակին աշխատել էր: 2011 թվականին Գուզաիրովի ընկերության բաժնետոմսերի 25 տոկոսը գնեց «Finam Global» հիմնադրամը, իսկ արդեն հաջորդ տարի Գուզաիրովը հիմնեց Platiza.ru միկրոֆինանսային բիզնեսը և Ռուսաստանում առաջին առցանց-նույնականացամն ff.ru ծառայությունը: Այս ծառայությունից, օրինակ, օգտվում է «Philip Morris» ընկերությունը, որին պետք է իմանալ կայքի այցելուների տարիքը:
Անդրեյ Ռոմանենկո, 33 տարեկան
Qiwi
Շահույթը՝ 8.9 միլիարդ ռուբլի (մոտավորապես 270 միլիոն դոլար)
Ռոմամենկոն վաճառել է համակարգչային խաղեր և պոլիէթիլենային տարրաներ, բայց իր առաջին միլիոնն աշխատել է պլաստիկ քարտեր արտադրելով: Անդրեյը գիտակցում էր, որ այս բիզնեսը չի կարող հավերժ աճել, ուստի որոշեց հիմնել վճարման տերմինալների ցանց: Ինչպես ինքն է խոստովանում, երբ ցանցը գործարկվեց 2004 թվականին, նա վստահ չէր, որ գաղափարը հաջողությամբ կպսակվի, որովհետև այն նորարարություն էր ռուսական շուկայում:
Այժմ գործում է «Qiwi» ընկերությանը պատկանող մոտ 100 հազար տերմինալ, որոնցից ամեն ամիս օգտվում է 65 միլիոն մարդ: Ռոմանենկոյի հայրը, ով BBDO-ի համահիմնադիրներից է, օգնեց որդուն, որպեսզի նա ընդարձակի իր բիզնեսը՝ կարգավորելով իր տերմինալներում տեղ գտնող գովազդների հարցը: 2013 թվականին Ռոմանենկոյի ընկերությունն IPO իրականացրեց NSADAQ-ում, որի արդյունքում ընկերության կապիտալիզացիան գնահատվեց 1 միլիարդ դոլար: Ռոմանենկոն հիմա էլ երազում է ստեղծել համաշխարհային ունիվերսալ վճարման գործիք:
Վսեվոլոդ Ստրախ, 25 տարեկան
«Сотмаркет»
Շահույթը՝ 130 միլիոն դոլար
«Ես միշտ հավատացել եմ, որ սա կվերածվի գլոբալ պատմության», - իր բիզնեսի մասին պատմել է Վսեվոլոդ Ստրախը: 2005 թվականին, երբ նա դեռ 11-րդ դասարանի աշակերտ էր, իր հավաքած փողերով գնեց հազար հատ USB մալուխ և սկսեց վաճառել դրանք սեփական կայքի միջոցով: Այնուհետև, Ստրախին պատկանող «Сотмаркет» ինտերնետային խանութում հայտնվեցին նաև բջջային հեռախոսների աքսեսուարներ, իսկ այնուհետև՝ հենց հեռախոսներ և կենցաղային էլեկտրոնիկա: 2012 թվականին «IQ One Holdings» հիմնադրամը գնեց Ստրախի ընկերության 51 տոկոսը: Գործարքից հետո ընկերության գինը հասավ 100 միլիոն դոլարի, իսկ այսօր արդեն «Сотмаркет»-ը օրական 5000 պատվեր է ընդունում, սիկ Վսեվոլոդն առ այսօր անձամբ է հետևում հաճախորդների արձագանքներին:
Ռոման Վիշնևսկի, 26 տարեկան
United Traders
Շահույթը՝ 6.6 միլիոն դոլար
«United Traders» ընկերությունը ստեղծվեց Վիշնևսկու և իր գործընկերներ Դմիտրի Բելոուսովի և Անատոլի Ռադչենկոյի կողմից 2009 թվականին: Սկզբնական ներդրումը կազմել է 80.000 դոլար: Վիշնևսկին, աշխատելով «Shift Trade» ընկերությունում, մշակել է առևտրի սեփական ռազմավարություն, որը շուկայում ստացել է «layering»` շերտավորում, բնորոշումը: Այժմ Վիշնևսկու ընկերության ծառայություններից օգտվում է 200 պրոֆեսիոնալ և ավելի քան 1000 սկսնակ թրեյթեր: Վիշնևսկին և իր գործընկերները եկամուտներ ունեն նաև թրեյթերների պատրաստման դասընթացներ կազմակերպելուց, իսկ այս տարի եռյակը գործարկեց Kvadrat Black հեջային ֆոնդը, որի կառավարման տակ գտնվող միջոցները գնահատվում են մոտ 100 միլիոն դոլար:
Դմիտրի Կիբկալո, 32 տարեկան
«Мосигра»
Հասույթը՝ 15 միլիոն դոլար
Պրոդյուսերական կենտրոնի տնօրեն Դմիտրի Կիբկալոն 2008 թվականին որոշեց հորը նվիրել դեռևս 1970-ականներին ՄՊՀ-ի ուսանողների կողմից ստեղծված «Шакал» սեղանի խաղը: Ինչպես հետագայում պարզվեց, դա առաջին քայլն էր՝ դեպի սեփական բիզնես պրոյեկտը: Քանի որ տպարանում մինիմալ խմբաքանակը 100 օրինակն էր, Կիբկալոն ինտերնետային խանութ բացեց, որպեսզի վաճառի մնացորդները, իսկ տեսականի ապահովելու համար նաև այլ սեղանի խաղեր գնեց: Արդեն մեկ ամիս անց նա իր բոլոր ծախսերը հանեց, իսկ 2009 թվականին բացեց «Мосигру»-ն: Այժմ նրան են պատկանող ցանցի մեջ մտնում են 17 սեփական և 71 ֆրանչայզինգային խանութներ Ռուսաստանում և Ուկրաինայում: Կիբկալոյի ընկերությունը եկամուտներ ունի նաև սեփական խաղերի ստեղծումից, իսկ «Шакал» խաղը մինչ օրս էլ ընկերության ամենալավ վաճառվող բրենդներից է:
Գևորգ Սարկիսյան, 30 տարեկան
Innova
Հասույթը՝ մոտ 50 միլիոն դոլար
Կրթությամբ տնտեսագետ Սարկիսյանն աշխատում էր ՌԴ Ֆիննախում ու Հարկայինում: 2006 թվականին, երբ նա իր համախոհների թիմի հետ հիմնեց Innova-ն, արտասահմանյան օնլայն խաղերի ադապտացիայով հիմնականում զբաղվում էին ապօրինաբար: Որպեսզի հնարավոր լիներ համոզել Innova-ի կողմից թողարկված առաջին լիցենզիոն խաղի ստեղծողներին, որ տան իրենց համաձայնությունը, ինչպես Սարկիսյանն է խոստովանել, իրենք ստիպված են եղել մի քիչ ճոխացրած նկարագրել իրենց ընկերության հնարավորությունները: Արդյունքում այսօր ընկերությունը զբաղվում է ավելի քան 10 պրոյեկտներով, որոնցից ամենահայտնիներն են «Lineage II», «Planet Side II», «Aion» և «Аййо» առցանց խաղերը: Թեև բուն խաղերն անվճար են, բայց խաղի ընթացքում օգտագործվող իրերը հաճախ վճարովի են և հենց դրանցից էլ գոյանում է ընկերության շահույթը:
Անդրեյ Մեդվեդև, 33 տարեկան
«Промышленные силовые машины»
Հասույթը՝ 50 միլիոն դոլար
Անդրեյ Մեդվեդևն ու նրա գործընկեր Ալեքսանդր Սալնիկովը նախկինում Յարոսլավի շարժիչների գործարանի՝ «Автодизель»-ի շուկայագետներն էին: 2005 թվականից նրանք որոշեցին իրենց սեփական բիզնեսը հիմնել, երբ պարզեցին, որ շատ սպառողներ ունեն ոչ ստանդարտ դիզելայինն գեներատորների կարիք: Գործընկերները տարածք վարձակալեցին, գնեցին պահեստամասեր, վարձեցին աշխատողների և որպես առաջին պրոյեկտ իրականացրեցին իրենց նախկին աշխատատեղի արտադրած մի քանի սարքավորման մոդեռնիզացիա: Բիզնեսը ստացվեց ու սկսեց ծաղկել: Մեդվեդևը սկսեց սեփական նախագծման գեներատորներ, ուժային ու ջրամղիչ սարքեր թողարկել, որոնք իրենց մեջ ներառում էին ինչպես ռուսական, այպես էլ արտասահմանյան կոնցեպտներ ու տեխնոլոգիաներ: Այսօր նրա ընկերությունն ունի մոտավորապես 300 աշխատակից, իսկ հաճախորդների թվի մեջ են մտնում «Газпром», «Транснефть» և «Лукойл» գիգանտների դուստր ձեռնարկություններ: