Չիչխանի թեյի օգտակար հատկությունները

Չիչխանն օգտագործվում է ժողովրդական բժշկության մեջ, կոսմետիկ միջոցների պատրաստման ընթացքում: Fithacker.ru-ի հաղորդմամբ՝ չիչխանը հարուստ է վիտամիններով, այդ թվում՝ B1, B2, C, PP, K, E վիտամիններով, ֆոլաթթվով, ինչպես նաև միկրոէլեմենտներով՝ երկաթ, մագնիում, կալցիում:

Չիչխանն օգտագործվում է թարմ վիճակում, դրանից պատրաստում են նաև մուրաբա, թեյ, թուրմեր: Շատ օգտակար է նաև չիչխանի յուղը, որն օգտագործվում է մի խումբ հիվանդությունների բուժման ընթացքում:

Չիչխանի պարբերական օգտագործումը կօգնի օրգանիզմին ապահովել անհրաժեշտ սննդարար նյութերով, կանխարգելել մի շարք հիվանդությունների զարգացումը: Չիչխանն օգտագործվում է նաև որպես հակաբորբոքային միջոց. այն նպաստում է նաև վերքերի ապաքինմանը:

Չիչխանով թեյը սննդակարգ ներառելու դեպքում կարող եք նվազեցնել զգայունությունը եղանակային փոփոխությունների նկատմամբ, օրգանիզմը պաշտպանել վիրուսներից:

Ինչպես պատրաստել չիչխանով թեյ. հարկավոր է

• 150 գրամ չիչխան
• ջուր
• մեղր:

Լավ լվացեք չիչխանը: 100 գրամը ճզմեք, ավելացրեք 50 գրամը, 600 մլ եռացրած ջուր: Թողեք 10-15 րոպե: Մատուցեք մեղրի հետ:

Ավելի օգտակար թեյ պատրաստելու համար կարող եք նաև իմբիր ավելացնել:

Հարկավոր է

• 100 գրամ չիչխան
• 1 ճաշի գդալ իմբիր
• դարչինի 1 փայտիկ:

Չիչխանը մանրացրեք. ճզմեք, ավելացրեք իմբիրն ու դարչինը: Եռացրած ջուր լցրեք, թողեք 5-7 րոպե: