Ինչպիսի նաիվություն

Տիրացու վարչապետի ու հանրապետական հոգևորականի օֆշորային արկածները հասել էին պատմության կիզակետին ու զենիթին, երբ օֆշորային ընկերախումբը կիզակետից դուրս պրծնելու լուծումը գտավ: Կճոյանի սանիկ, երեկվանից հետախուզման մեջ գտնվող Աշոտ Սուքիասյանը նամակ է գրել գլխավոր դատախազությանը եւ «Հետքին», թե գիտեք ինչ, այդ օֆշորային կազմակերպության բաժնեմասերը ինքն է գրել Տ. Սարգսյանի եւ Ն. Կճոյանի անուններով` առանց նրանց գիտության եւ առանց նրանց համաձայնության. «Դա արել եմ, որպեսզի իմ բիզնեսը զերծ պահեմ տարբեր ոտնձգություններից: Չեմ գիտակցել, որ այն կարող է հետեւանքներ ունենալ»:

Պատկերացնու՞մ եք՝ ինչպիսի նաիվություն. նաիվություն թե՛ իբր հետեւանքները չգիտակցելու, թե՛ ընդհանրապես սույն գործից տիրացուին ու հոգևորականին նման նաիվ պատճառաբանությամբ չոր դուրս բերելու փորձերի առումով...