Երբ ասում եք ՀՀ կառավարությունը չձեռնարկեց անհրաժեշտ քայլ ԸՕ-ն ընդունելու համար, խնդրում եմ՝ նշեք, թե ինչ քայլ պետք է կատարեր, որ չի արել

15:50 , 2 նոյեմբեր, 2018
ՀՀ կառավարության կողմից ներկայացված ԸՕ նախագիծը քննարկվել է բոլոր շահագրգիռ քաղաքական ուժերի և քաղհասարակաթյան ներկայացուցիչների հետ, այն քննարկվել է միջազգային փորձագետների, այդ թվում՝ նաև Վենետիկի հանձնաժողովում, դրա վերաբերյալ ստացվել են գրավոր եզրակացություններ և կարծիքներ, քննարկումներ են և խորհրդակցություններ են անցկացվել ՀՀ ԱԺ ներկայացված քաղաքական ուժերի և պատգամավորների հետ, սակայն մեկ ձայն չբավարարեց, որ ԸՕ-ն ընդունվի։ ԵՐԲ ԱՍՈՒՄ ԵՔ՝ ՀՀ ԿԱՌԱՎԱՐՈՒԹՅՈՒՆԸ ՉՁԵՌՆԱՐԿԵՑ ԱՆՀՐԱԺԵՇՏ ՔԱՅԼԵՐ, խնդրում եմ նաև նշել, Ձեր պատկերացմամբ, ինչ քայլ պետք է կատարեր, որ չի արել։ Նոր Հայաստանում մենք կունենանք ՆՈՐ ԸՆՏՐԱԿԱՆ ՕՐԵՆՍԳԻՐՔ, և իմ կարծիքն է, այն պետք է հիմնված լինի էլեկտրոնային համակարգի վրա, որը բացառի մարդկային գործոնը ողջ գործընթացում։