Միայն ներողություն խնդրելով չես կարող արդարությունը վերականգնել, պետք է նյութական փոխհատուցում լինի. Թաներ Աքչամը՝ Ցեղասպանության ճանաչման մասին
22:40 , 14 հունիս, 2018Tert.am-ը գրում է.
Թուրքիայի ժխտողականությունը քաղաքական հաշվարկ է. Երևանում՝ Հայաստանի Ամերիկյան համասարանում, այսպես ասաց թուրք պատմաբան, Մասաչուսեթսի «Քլարք» համալսարանի պատմության դասախոս պրոֆեսոր Թաներ Աքչամը՝ խոսելով Թուրքիայի կողմից Հայոց ցեղասպանության ճանաչման մասին:
«Որպես գիտնական՝ ինձ համար բավական է, որ Թուրքիան ներողություն խնդրի,- ասաց նա՝ նշելով, որ ինքը բավականին ընդարձակ գրել է այս խնդրի մասին,- բայց ես առաջարկում եմ իմ կառավարությանը՝ թուրքական կառավարությանը, հետևել Գերմանիայի քայլին. Երկրորդ համաշխարհային պատերազմից հետո Գերմանիան ոչ միայն ճանաչեց Հոլոքոստը, այլ նաև գործընթաց սկսեց Իսրայելի և հրեական սփյուռքի ներկայացուցիչների հետ: Ի վերջո, նրանք գործընթացն ավարտեցին 1952 թվականի Լյուքսեմբուրգի համաձայնագրով, որը ներառում էր շատ մեծ փոխհատուցում»,- ասաց նա:
Ամբողջական հոդվածը կարող եք կարդալ այստեղ։