Ի աջակցություն Մասիսի ձերբակալված քաղաքապետի՝ մի խումբ քաղաքացիներ փակել են Մասիս-Երևան ճանապարհը

Զանգվածային անկարգություն կազմակերպելու կասկածանքով ձերբակալված Մասիսի քաղաքապետ Դավիթ Համբարձումյանի աջակիցները բողոքի ակցիա են սկսել՝ պահանջելով նրա ազատ արձակումը: Ակտիվիստները բողոքի ակցիան սկսել են Մասիսի քաղաքապետարանի դիմաց, այնուհետև երթով շարժվել Երևան տանող ճանապարհով: Նրանց ձեռքերին «Մեր քաղաքապետն անմեղ է» գրություններով պաստառներ են:

Ակտիվիստները պատրաստվում են փակել Մասիսից Երևան տանող ճանապարհը և  մնալ այնտեղ այնքան ժամանակ, քանի դեռ չեն ազատել Մասիսի քաղաքապետին: