Կներեք, բայց քաղբանտարկյալ եզրույթը դարձել ա ծամոն

Կներեք, բայց քաղբանտարկյալ եզրույթը դարձել ա ծամոն: Որևէ մեկը գիտի՞, թե կոնկրետ քանի անձ կա Հայաստանում, որ կարա քաղբանտարկյալ համարվի: Եթե ինչ-որ մեկը չալարի, նստի, հաշվի ու ինչ-որ պայմանական թիվ ասի, էդ թիվն ի՞նչ հավանականությամբ չի վիճարկվի մի խումբ այլ անձանց կողմից: Առանց հանրային քննարկման, առանց իրավական գնահատականի, բան... Հայ-հու՜յ:

Իհարկե, սխալական եմ, բայց ինձ համար քաղբանտարկյալ են մենակ նրանք, որոնց հակաիրավական գործունեությունը, դրա որակումն ու ստացած պատժաչափը խիստ անհամապատասխան են՝ ակնհայտ քաղաքական պատճառներով: Շատ ակնհայտ տեսանելի ա դա, ու շատ հեշտ ա կողմնորոշվելը:

Թե չէ՝ տաքսիստի ձեռքից ավտոն խլեմ (հոդված), քշեմ ուղիղ Սիթիի վիտրինաների մեջ (հոդված), տակը մի քանի մարդ գցեմ (հոդված), հայտարարեմ, որ օլիգարխները քանդում են արարչատուր Հայաստանս, ու ինձ տան էնքան, ինչքան հասնում ա․ հլը մեկը փորձի՝ ինձ չանվանի քաղբանտարկյալ: Հա ի՞նչ. անձնական նպատակ չեմ հետապնդել՝ մեկ, հերոսական ինքնազոհողություն եմ արել՝ երկու, քաղաքական ըմբոստության մանիֆեստ եմ հրապարակել՝ երեք: