Այս դեպքում միանշանակ կարելի է ասել, որ փողերը քամուն են տվել․ 600 000 դոլար գումարը պարում էր օդում

Երկու օր առաջ Իլինոիս նահանգում ճանապարհին ինկասատորի միջից սկսեցին փողեր դուրս թափվել։ Հետևի բաց դռներից 20 դոլարանոցները պարում էին օդում, ապա՝ իջնում և մնում ճամփեզրին։ Ընդհանուր առմամբ, մեքենայից դուրս էր թափվել մոտավորապես 600,000 դոլար, բայց հստակ թիվը դեռ չեն ճշտել։

Ոստիկանությունը փնտրում է այն մարդկանց, ովքեր ճանապարհից հավաքել են գումարը։ Այն մարդիկ, ովքեր ինքնակամ կհանձնեն գտած գումարը, չեն պատժվի, իսկ մյուսներին սպասում է մեղադրանք՝ գողության համար։ Ինկասատորի վարորդը նկատել է, որ կորցնում է փողերն այն ժամանակ, երբ հարևան մեքենայի վարորդը տեղեկացրել է այդ մասին։ Համարվում է, որ դա տեխնիկական խնդիր է եղել կամ աշխատակիցների սխալ։