Չեբուրեկիի նոր ու չափազանց համեղ բաղադրատոմս. անպայման փորձեք
09:50 , 3 մայիս, 2018Բաղադրիչներ
- կեֆիր - 200 մլ
- ձու - 1 հատ
- աղ - ըստ ճաշակի
- ալյուր - 600-650 գ
- Խճողակի համար՝
- միս տավարի (աղացած) - 500 գ
- սոխ - 1 գլուխ
- աղ - ըստ ճաշակի
- պղպեղ սև - ըստ ճաշակի
- ջուր - 100 մլ
- բուսայուղ - տապակելու համար
Պատրաստման եղանակ
Կեֆիրը լցնում ենք կաթսայի մեջ, ավելացնում ձուն և աղը: Պատառաքաղով հարում ենք, աստիճանաբար ավելացնում ալյուրն ու խառնում:
Հենց որ խմորը խտանում է, լցնում ենք սեղանին ու հունցում ոչ շատ պինդ, ոչ էլ շատ թույլ խմոր և թողնում 20 րոպե:
Պատրաստում ենք միջուկը: Աղացած մսի մեջ ավելացնում ենք համեմունքները, մանր կտրատած սոխն ու ջուրը և լավ խառնում: Խճողակը պետք է մի քիչ ջրիկ լինի:
Խմորը բաժանում ենք 10 մասի:
Ամեն մի մասը գրտնակում ենք, մեջտեղում դնում մեկական գդալ խճողակ:
Չեբուրեկիի ձև ենք տալիս, եզրերը պատառաքաղով սեղմում, որպեսզի խճողակի հյութը դուրս չհոսի:
Խմորի ավելորդ մասերը կտրում ենք:
Երկու կողմից տապակում ենք միջին ուժգնության կրակի վրա:
Եփված, թեթևակի կարմրած չեբուրեկիները դնում ենք անձեռոցիկի վրա, որպեսզի ավելորդ բուսայուղը դուրս գա:
Պատրաստեցինք շատ համեղ ու փափուկ չեբուրեկի, որը երկար ժամանակ թարմ է մնում։