Եթե ջեմի սիրահար եք, ապա այս համեղ թխվածքաբլիթները կլինեն թեյի հետ վայելելու լավագույն տարբերակը

Ալյուրը մաղում ենք, ավելացնում ենք կարագի կտորները։

Լավ մանրացնում ենք և ավելացնում ենք թթվասերը։ Համասեռ խմոր ենք հունցում։ Եթե խմորը պինդ է, կարող ենք թթվասեր ավելացնել, մինչև խմորն առաձգական դառնա։

Սննդային փաթեթով ծածկում ենք և 1 ժամով տեղափոխում սառնարանը (ցանկալի է գիշերը սառնարանում թողնել)։
Խմորը սառնարանից հանում ենք։ Եթե այն չափազանց պինդ է, մոտ 30 րոպե թողնում ենք սենյակային ջերմաստիճանում, որ տաքանա։

3-4 մասի ենք բաժանում։
Աշխատանքային սեղանի վրա ալյուր ենք ցանում և մոտ 3 մմ հաստությամբ ուղղանկյունաձև շերտ ենք գրտնակում։ 7x7 չափի քառակուսիներ ենք կտրում և մեջտեղում ջեմ ենք դնում:

Փաթաթում ենք գլանաձև և փոքր-ինչ կորություն տալիս (կիսալուսնաձև)։ Եզրերն ամրացնում ենք։ Թխում ենք 15-25 րոպե 200 աստիճան տաքացրած ջեռոցում, մինչև ոսկեգույն դառնան։

Պատրաստի թխվածքը թաթախում ենք շաքարի փոշու մեջ։

Բարի ախորժակ։