«Կարծում ենք` առաջադրման դեպքում կպաշտպանենք Փաշինյանի թեկնածությունը»․ ՀՅԴ ԳՄ ներկայացուցիչ

«ՀՅ Դաշնակցությունը դեռ վերջնական որոշում չունի, բայց կարծում ենք, որ մեր երեկվա հայտարարության համատեքստում առաջադրման դեպքում կպաշտպանենք Նիկոլ Փաշինյանի թեկնածությունը»,- այսօր ասաց ՀՅԴ Հայաստանի Գերագույն մարմնի ներկայացուցիչ Արսեն Համբարձումյանը:

Նախօրեին, հիշեցնենք, Դաշնակցությունը հայտարարությամբ էր հանդես եկել՝ առաջարկելով վարչապետի ընտրության հարցով մայիսի 1-ին նշանակված ԱԺ հատուկ նիստին ընդառաջ խորհրդարանական բոլոր խմբակցությունների մասնակցությամբ ձևավորել միասնական քաղաքական օրակարգ և համաձայնել ժողովրդի վստահությունը վայելող միասնական թեկնածուի շուրջ, ով պետք է «համախոհության հիման վրա ներկայացնի կառավարության համապատասխան կազմ և գործունեության ծրագիր»:

Ազգային ժողովի Դաշնակցություն խմբակցությունում 7 պատգամավոր է ընդգրկված:

ՀՅԴ-ն իշխանական կոալիցիան լքել է ապրիլի 25-ին: