Իրանական ԶԼՄ-ները հայաստանյան իրադարձություններին օբյեկտիվ գնահատական են տվել

09:54 , 24 ապրիլ, 2018
Իրանական ԶԼՄ-ները, մասնավորապես՝ արևմտյան լրատվամիջոցների իրանական ծառայությունները հայաստանյան իրադարձություններին համակողմանի անդրադարձ են կատարել՝ տալով օբյեկտիվ գնահատական, սակայն որոշ դեպքերում զուգահեռներ էր տարվում վրացական և ուկրաինական դեպքերի հետ: ԻՀՊԿ-ին մոտ կանգնած տեղեկատված ռեսուրսներից մեկն էլ՝ «Արևելքի և Արևմուտքի պատերազմը Հայաստանում» վերտառությամբ հրապարակմամբ է անդրադարձել հայաստանյան զարգացումներին՝ հիշատակելով ինչպես ՀՀ-ի՝ ԵՄ-ի և ՆԱՏՕ-ի հետ հարաբերությունները, այնպես էլ ՀՀ-ի՝ ԵԱՏՄ-ի և Ռուսաստանի հետ ունեցած հարաբերությունները: Թերևս այս մոտեցումը պետք է դիտել այն հարթության մեջ, որ Իրանը մի կողմից Արևմուտքի հետ հետագա հարաբերությունների կառուցման հարցում գտնվում է սպասողական իրավիճակում, իսկ մյուս կողմից՝ հետևողական ջանքեր է գործադրում «նախկին» գործընկերների՝ Չինաստանի և Ռուսաստանի հետ հարաբերությունները կրկին ակտիվացնելու ուղղությամբ: