Հենրիխ Մխիթարյանը բաց կթողնի «Աթլետիկոյի» հետ խաղը
07:00 , 24 ապրիլ, 2018operativ.am-ը գրում է
Հայաստանի հավաքականի ֆուտբոլիստ Հենրիխ Մխիթարյանը բաց կթողնի իր թիմի՝ «Արսենալի» առաջիկա հանդիպումը:
«Մենք հույս ունեինք, որ Մխիթարյանը կմասնակցի հինգշաբթի օրվա խաղին, սակայն նա դեռեւս լիովին պատրաստ չէ, ուստի մենք չենք ցանկանում ռիսկի դիմել եւ նա չի լինի խաղին: Խնդիրներ ունեն նաեւ Էլնենին ու Օզիլը: Մոհամեդը վնասվածք է ստացել «Վեսթ Հեմի» հետ խաղին, իսկ Մեսութը մրսածություն ունի: Սակայն շարք է վերադարձել Ջեկ Ուիլշիրը, որը կարող է օգնել թիմին առաջիկա խաղում», – ասել է լոնդոնյան ակումբի գլխավոր մարզիչ Արսեն Վենգերը:«Արսենալն» այժմ պատրաստվում է Եվրոպայի լիգայի կիսաեզրափակիչ փուլի Մադրիդի «Աթլետիկոյի» հետ առաջին խաղին, որը կկայանա ապրիլի 26-ին, Լոնդոնում: