ՀՀ վարչապետ Սերժ Սարգսյանը նոր նշանակումներ է կատարել
11:10 , 21 ապրիլ, 2018
Հայաստանի Հանրապետության վարչապետ Սերժ Սարգսյանի որոշումներով նոր նշանակումներ են կատարվել։
Այս մասին հայտնում են ՀՀ կառավարության տեղեկատվության և հասարակայնության հետ կապերի վարչությունից։
Որոշումներից մեկում ասվում է. «Հիմք ընդունելով «Հանրային ծառայության մասին» Հայաստանի Հանրապետության օրենքի 9-րդ հոդվածի 10-րդ մասը՝ Նաիրի Պետրոսյանին նշանակել վարչապետի օգնական»։
Մեկ այլ որոշման մեջ ասվում է. «Հիմք ընդունելով «Հանրային ծառայության մասին» Հայաստանի Հանրապետության օրենքի 9-րդ հոդվածի 10-րդ մասը՝ Արմեն Դավթյանին նշանակել վարչապետի ռեֆերենտ»։
Մյուս որոշման մեջ նշվում է. «Հիմք ընդունելով «Հանրային ծառայության մասին» Հայաստանի Հանրապետության օրենքի 9-րդ հոդվածի 10-րդ մասը՝ Արմեն Գիչյանին նշանակել վարչապետի արարողակարգի պատասխանատու (ղեկավար)»։