Կիմ Չեն Ընը հայտարարել է միջուկային ու հրթիռային ծրագրերի դադարեցման մասին
10:00 , 21 ապրիլ, 2018Yerkir.am-ը գրում է.
ԿԺԴՀ ղեկավար Կիմ Չեն Ընը հայտարարել է Փհենյանի կողմից միջուկային ու հրթիռային փորձարկումների դադարեցման, ինչպես նաև միջուկային փորձարկումների համար նախատեսված խոշոր պոլիգոնի փակման մասին. հայտնում է BBC-ի ռուսական ծառայությունը:
Կիմ Չեն Ընի խոսքերով` նման փորձարկումների կարիք այլևս չկա, քանի որ երկիրն ավարտել է միջուկային զենքի ստեղծումը:
ԱՄՆ նախագահ Դոնալդ Թրամփն արդեն արձագանքել է նորությանը:
«Սա շատ լավ նորություն է թե՛ Հյուսիսային Կորեայի, թե՛ ամբողջ աշխարհի համար. մեծ առաջընթաց: Անհամբերությամբ սպասում եմ գագաթաժողվոին»,-գրել է Թրամփը` նկատի ունենալով Կիմ Չեն Ընի հետ հանդիպումը: