168.am-ը գրում է.
Արցախի Հանրապետության նախագահ Բակո Սահակյանի այցը Միացյալ Նահանգներ նյարդայնացրել է պաշտոնական Բաքվին: Ինչպես հաղորդում է ադրբեջանական ԱՊԱ գործակալությունը, ԱՄՆ դեսպան Ռոբերտ Սեկուտան կանչվել է Ադրբեջանի արտաքին գործերի նախարարություն:
Ադրբեջանի ԱԳՆ խոսնակ Հիքմեթ Հաջիևը հայտնել է, որ արտգործնախարարությունում Սեկուտային բողոքի նոտա է հանձնվել Արցախի նախագահի՝ Վաշինգտոն այցի առնչությամբ:
Խնդրի առնչությամբ ԱՄՆ-ում Ադրբեջանի դեսպանը ևս հանդիպումներ է անցկացրել պետդեպարտամենտում՝ իրենց դժգոհությունը հայտնելով այցի հետ կապված: