Armtimes.com-ը գրում է.
Սանկտ-Պետերբուրգի ու Լենինգրադի շրջանի Ռոսսելխոզնադզորի վերահսկիչ ծառայությունները «Պուլկովո» օդանավակայանի բեռնափոխադրիչ կայանում ստուգել ու այդ ստուգումների արդյունքում կասեցրել են Հայաստանից փոխադրվող 250 կգ ելակի մուտքը Ռուսաստան:
Ըստ ծառայության հաղորդագրության, ելակի ուսումնասիրման արդյունքում հայտնաբերվել են կենդանի միջատներ, որոնք իրենց արտաքին նշաններով նման են եղել կալիֆորնիական ծաղկային տրիպսների տեսակին: Այս միջատները համարվում են բույսերի վտանգավոր կարանտինային հարուցիչներ: Քիչ ավելի ուշ, լաբորատոր փորձաքննության արդյունքում հաստատվել է այս հարուցիչների առկայությունը:
Խմբաքանակն ամբողջությամբ ենթարկվել է հետհանձնման: