Տեղափոխվում ենք վրացական խոհանոց. պատրաստում ենք այս համեղ ուտեստն ու վայելում պահքի ընթացքում
10:12 , 1 մարտ, 2018Լոբիոն ավանդական վրացական ուտեստ է, երբեմն կարող ենք հանդիպել «Լոբով լոբիո» անունով, բայց դա ճիշտ չէ, քանի որ «լոբիո»-ն վրացերենից թարգմանաբար նշանակում է լոբի։ Հատկապես համեղ է լինում, երբ լոբին շատ լավ եփված է լինում, այդ դեպքում ուտեստն ավելի թանձր է լինում։ Երբեմն այս ուտեստի մեջ ավելացնում են նաև սունկ և միս:
Բաղադրությունը
- լոբի հատիկավոր - 500 գր
- լոլիկ - 200 գր
- լոլիկի մածուկ - 2 թ/գդ
- տաքդեղ - 150 գր
- սոխ - 150 գր
- սխտոր - 3-4 պճեղ
- խմելի սունելի - 2 թ/գդ
- ուրց - 1 թ/գդ
- համեմ - 100 գր
- աղ
- բուսայուղ
Պատրաստման եղանակ
Լոբին խորհուրդ ենք տալիս կարմիր (սպիտակ լոբին էլ՝ ոչինչ, բայց կարմիրով ավելի համեղ է) վերցնել, որը լավ կեփվի և մեր ուտեստի համար լավ հիմք կլինի։ Լոբին գիշերը կամ 3-4 ժամով թրջում ենք։
Այնուհետև ջուրը փոխում ենք, դնում կրակի վրա և հասցնում եռման աստիճանի։ Աղ չենք անում։ Եփում ենք թույլ կրակի վրա, փակ կափարիչով, մոտ 1,5-2 ժամ։
Սոխը մաքրում ենք, մանր կտրատում։ Թավայի մեջ բուսայուղը տաքացնում ենք, լցնում ենք սոխն ու տապակում ենք, մինչև ոսկեգույն դառնա։
Ավելացնում ենք խորանարդաձև կտրատած տաքդեղը և մոտ 2-3 րոպե անընդհատ խառնելով տապակում ենք։
Լոլիկի վրա եռման ջուր ենք լցնում, այնուհետև կեղևազրկում ենք և մանր կտորներով կտրատում։ Այնուհետև թավայի մեջ ենք լցնում լոլիկն ու լոլիկի մածուկը և խառնում ենք։ Եթե ամռանն ենք պատրաստում, լոլիկի մածուկի կարիք չկա, իսկ ձմռանն անպայման լոլիկի մածուկ պետք է ավելացնել։
Ավելացնում ենք խմելի-սունելին, ուրցը, մանրացված սխտորը և աղը։
Խառնում ենք, թույլ կրակի վրա փակ կափարիչով մոտ 15-20 րոպե շոգեխաշում ենք կամ էլ այնքան, մինչև բանջարեղենն ամբողջությամբ փափկի։
Լոբին պետք է այնքան եփել, մինչև լավ փափկի։ Պատրաստի լոբու գրեթե ողջ ջուրը թափում ենք (2 բաժակ պահում ենք)։ Այնուհետև լոբու մի մասը մանրացնում ենք։ Կարող ենք ճզմիչով խյուսի վերածել։ Անհրաժեշտության դեպքում լցնում ենք լոբու ջուրը։
Ավելացնում ենք տապակած բանջարեղենը և կտրատած համեմը։
Լավ աղ ենք անում, խառնում ենք և ըստ անհրաժեշտության լոբու ջուրն ենք ավելացնում։ Եփում ենք թույլ կրակի վրա մոտավոր ևս 5 րոպե։
Լոբիոն մատուցում ենք տաք վիճակում։
Այնուհետև ջուրը փոխում ենք, դնում կրակի վրա և հասցնում եռման աստիճանի։ Աղ չենք անում։ Եփում ենք թույլ կրակի վրա, փակ կափարիչով, մոտ 1,5-2 ժամ։
Սոխը մաքրում ենք, մանր կտրատում։ Թավայի մեջ բուսայուղը տաքացնում ենք, լցնում ենք սոխն ու տապակում ենք, մինչև ոսկեգույն դառնա։
Ավելացնում ենք խորանարդաձև կտրատած տաքդեղը և մոտ 2-3 րոպե անընդհատ խառնելով տապակում ենք։
Լոլիկի վրա եռման ջուր ենք լցնում, այնուհետև կեղևազրկում ենք և մանր կտորներով կտրատում։ Այնուհետև թավայի մեջ ենք լցնում լոլիկն ու լոլիկի մածուկը և խառնում ենք։ Եթե ամռանն ենք պատրաստում, լոլիկի մածուկի կարիք չկա, իսկ ձմռանն անպայման լոլիկի մածուկ պետք է ավելացնել։
Ավելացնում ենք խմելի-սունելին, ուրցը, մանրացված սխտորը և աղը։
Խառնում ենք, թույլ կրակի վրա փակ կափարիչով մոտ 15-20 րոպե շոգեխաշում ենք կամ էլ այնքան, մինչև բանջարեղենն ամբողջությամբ փափկի։
Լոբին պետք է այնքան եփել, մինչև լավ փափկի։ Պատրաստի լոբու գրեթե ողջ ջուրը թափում ենք (2 բաժակ պահում ենք)։ Այնուհետև լոբու մի մասը մանրացնում ենք։ Կարող ենք ճզմիչով խյուսի վերածել։ Անհրաժեշտության դեպքում լցնում ենք լոբու ջուրը։
Ավելացնում ենք տապակած բանջարեղենը և կտրատած համեմը։
Լավ աղ ենք անում, խառնում ենք և ըստ անհրաժեշտության լոբու ջուրն ենք ավելացնում։ Եփում ենք թույլ կրակի վրա մոտավոր ևս 5 րոպե։
Լոբիոն մատուցում ենք տաք վիճակում։
Անուշաբույր, հագեցնող և անչափ համեղ վրացական ուտեստ` «Լոբիո»: Ցանկության դեպքում կարող եք մի քիչ մանրացված ընկույզ ավելացնել։