Մոգերինին՝ Նալբանդյանին. Ամեն անգամ, երբ հանդիպում ենք, փաստաթուղթ ենք ստորագրում

ՀՀ արտգործնախարար Էդվարդ Նալբանդյանը աշխատանքային այցով Բրյուսելում է։ Նա ելույթ կունենա Եվրոպական խորհրդարանի արտաքին հարաբերությունների հանձնաժողովի լիագումար նիստին։

Այցի շրջանակում ստորագրվել է փաստաթուղթ, Twitter-ի իր միկրոբլոգում տեղեկացնում է ԱԳՆ խոսնակ Տիգրան Բալայանը: Դրանից հետո ԵՄ արտաքին գործերի և անվտանգության քաղաքականության հարցերով բարձր ներկայացուցիչ, Եվրոպական հանձնաժողովի փոխնախագահ Ֆեդերիկա Մոգերինին Էդվարդ Նալբանդյանին ասել է. «Ամեն անգամ, երբ մենք հանդիպում ենք, փաստաթուղթ ենք ստորագրում»: