Դամասկոս-Անկարա ուղիղ շփման մասին խոսք չկա. Էրդողանի խոսնակ


16:00 , 21 փետրվար, 2018

Yerkir.am-ը գրում է.

Թուրքիայի նախագահ Ռեջեփ Թայիփ Էրդողանի խոսնակ Իբրահիմ Քալընը պատասխանել է ՌԴ փոխարտգործնախարար Միխայիլ Բոգդանովի հայտարարությանը, թե Ռուսաստանն անհրաժեշտության դեպքում պատրաստ է միջնորդի դեր ստանձնել` Աֆրինում իրավիճակի կարգավորման համար:

Ըստ Birgun-ի՝ Քալընը հայտարարել է, որ ներկայումս Դամասկոսի և Անկարայի միջև երկխոսության մասին խոսք անգամ լինել չի կարող: Նա նշել է, որ Թուրքիան, Իրանն ու Ռուսաստանը առանձին մեխանիզմ ունեն, և հարցերն Անկարայի կողմից երբեմն անուղղակիորեն Իրանի կամ ՌԴ-ի միջոցով են փոխանցվել Դամասկոսին: «Սակայն ուղիղ շփման մասին այժմ խոսք չկա»,- ասել է նա: