National Geographic-ն արցախցի զույգի հարսանեկան նկարներ է հրապարակել՝ նշելով, որ Արցախն Ադրբեջանի մաս է (Photo)
18:00 , 15 փետրվար, 2018Աշխարհահռչակ National Geographic Society-ի ինստագրամյան Nat Geo էջը վերջին երկու օրերին Արցախից երկու լուսանկար է հրապարակել, որոնց հեղինակը լուսանկարիչ, լրագրող Անաստասիա Թեյլոր-Լինդն է։
Արտակ Պետրոսյանն ու իր կինը՝ Արմինե Բաղդասարյանը՝ նստած իրենց հարսանեկան երեկույթի գլխավոր սեղանի շուրջ, գյուղ Խծաբերդ, Հադրութի շրջան, ԼՂՀ, հուլիսի 16, 2011 թվական։
Երիտասարդ զույգը ստացել է մոտավորապես 575 եվրոյին համարժեք միանվագ նպաստ, որը տեղի կառավարության՝ ծնելիության խրախուսմանն ուղղված ծրագրերից մեկն է։
Լեռնային Ղարաբաղը դե ֆակտո անկախ պետություն է, սակայն միջազգային հանրության կողմից այն ճանաչված է որպես Ադրբեջանի մաս։