Մարդկանց երաժշտական ճաշակն այնքան միանշանակ է նկարագրում նրանց բնավորությունը, որ չհամաձայնել պարզապես չի լինում
20:15 , 13 փետրվար, 2018Շատերը հավատում են, որ մարդու երաժշտական ճաշակը կարող է օգնել ճանաչել նրան, և որ այն մարդիկ, ովքեր ռոք են լսում, ագրեսիվ են, իսկ դասական երաժշտության սիրահարները՝ սնապարծ ու ձանձրալի։ Եկեք պարզենք՝ որքանով են ճիշտ այս կարծրատիպերը, և գիտական մոտեցում ցուցաբերենք երաժշտության ու անհատականության կապին։
Փոփ երաժշտություն
Եթե դուք սիրում եք լսել թոփ 40 երգերը, ուրեմն՝ դուք էքստրովերտ եք և գնահատում եք անկեղծությունը։ Չնայած փոփ երաժշտության սիրահարները հազվադեպ են ստեղծագործ մարդիկ լինում, նրանք իսկապես աշխատասեր են ու պատասխանատու։
Ռեպ / Հիփ-հոփ
Սնուփ Դոգ և Էմինե՞մ։ Չնայած այն կարծրաիպին, որ այսպիսի երաժշտության սիրահարներն ագրեսիվ են ու դաժան, գիտնականներն այդ կարծիքին չեն։ Սովորաբար այս մարդիկ ունեն բարձր ինքնագնահատական ու շփվող են։
Քանթրի
Մարդկանց, ովքեր այսպիսի երաժշտություն են նախընտրում, միանշանակ կարելի է անվանել աշխատասեր, հասարակ ու պատասխանատու։ Չնայած քանթրի ժանրի երգերը հաճախ նվիրված են կոտրված սրտերին ու ապրումներին, նրա երկրպագուներն էմոցիոնալապես կայուն են։
Ռոք երաժշտություն
Չնայած այս երաժշտության սիրահարներին ոչ ադեկվատ ու ագրեսիվ են պատկերացնում, նրանք բավականին փափուկ մարդիկ են։ Նրանք հակված են ստեղծագործելու։ Այս մարդկանց մեջ շատ են ինտրովերտները, ու նրանք հաճախ տառապում են ցածր ինքնագնահատականի պատճառով։
Ինդի
Պաշտում եք փնտրել ոչ հայտնի խմբեր ու կատարողների՞։ Ինդի ժանրի սիրահարները կարողանում են գնահատել մենակությունը, ձգտում ունեն ինտելեկտուալ ու ստեղծագործ բաների նկատմամբ։ Հետազոտողների կարծիքով՝ նրանց դժվար է համարել զուսպ ու փխրուն։ Հաճախ նրանք պասիվ են, անհանգիստ ու ոչ շատ ինքնավստահ։
Պարային երաժշտություն
Եթե դուք իսկապես կարողանում եք ամբողջ մարմնով զգալ ռիթմը, ուրեմն՝ դուք էներգիայով լի ու շատ շփվող մարդ եք։
Դասական երաժշտություն
Դասական երաժշտության սիրահարների մեջ ինտրովերտները քիչ չեն, սակայն դրանով հանդերձ կարողանում են գտնել ներքին ներդաշնակություն ու լեզու գտնել շրջակա աշխարհի հետ։ Նրանք պաշտում են արվեստը և ունեն լավ զարգացած սեփական արժանապատվության զգացում։
Ջազ / Բլյուզ / Սոուլ
Մարդիկ, ովքեր հաճույք են ստանում այս ժանրերի երաժշտություն լսելիս, բավականին բարձր ինքնագնահատականով էքստրովերտներ են։ Նրանք հակված են ցուցաբերելու կրեատիվություն։