Անի Վարդանյան. Ինստագրամի ամենահայտնի հայուհին, ով ավելի քան 2.5 միլիոն հետևորդ ունի
21:30 , 12 փետրվար, 2018Շատերը մտածում են, որ Ինստագրամի ամենահայտնի հայուհիները Լիլիթ Հովհաննիսյան ու Նազենի Հովհաննիսյանն են՝ չհաշված Քիմ Քարդաշյանին, ով շատ ավելի մեծ շուկայում է գործունեություն ծավալում։ Սակայն իրականում կա ռուսաստանաբնակ մի հայուհի, ով ունի ավելի քան 2.5 միլիոն հետևորդ և այդ ամենին հասել է իր անկրկնելի ձայնային տվյալների շնորհիվ։
Անի Վարդանյանը, ով իր առաջին իսկ հրապարակումներով հասկացրել է, որ հիանալի ձայն և վոկալային տվյալներ ունի, պարբերաբար թարմացնում է իր էջը՝ հրապարակելով հայտնի երգերի cover տարբերակներ։
Նման տեսանյութեր հրապարակելով՝ Անին ընդամենը մի քանի տարվա ընթացքում կարողացել է հետևորդների հսկայական բանակ հավաքել թե՛ Հայաստանից, թե՛ Ռուսաստանից և թե՛ Կովկասից։
Նշենք նաև, որ Անին սեփական երգեր ևս ունի, որոնց համար գրում է և՛ բառերը, և՛ երաժշտությունը։