Aysor.am-ը գրում է.
Հայաստանի և Ամերիկայի Միացյալ Նահանգների միջև կրկնակի հարկումը բացառող համաձայնագրի հարցը քննարկվելու է մարտին նախատեսվող միջկառավարական հանձնաժողովի հերթական նիստի ժամանակ, լրագրողների հետ ճեպազրույցում ասաց ՀՀ ֆինանսների նախարար Վարդան Արամյանը։
«Չեմ հիշում այնպիսի միջկառավարական հանձնաժողովի նիստ, որտեղ այս հարցը բարձրացրած չլինենք», - ասաց նախարարը։
Վարդան Արամյանն ասաց նաև, որ վերջին ժամանակներում իր կողմից ևս ակտիվացվել է այս գործընթացը։ Նա հանդիպում է ունեցել ՀՀ-ում ԱՄՆ դեսպան Ռիչարդ Միլսի հետ, քննարկել են այդ հարցերը.
«Մենք վստահ ենք, որ այդ համաձայնագրի բացակայությունը խոչընդոտում է տնտեսվարող սուբյեկտների կողմից դրական որոշումներ կայացնելուն»։
Արամյանի խոսքով՝ որքան էլ ասվի, թե մեկ դեպքով չեն կարող դատողություններ անել, բայց փաստ է, որ այդպիսի դեպք արդեն կա. խոսքը վերաբերում է «Կոնտուր գլոբալ» ընկերությանը, որը հայաստանյան շուկա է մտել լյուքսեմբուրգյան ընկերության միջոցով։
Ամբողջական հոդվածը կարող եք կարդալ այստեղ