«Մանկական Lactalis կերի հայտնի արտադրողը հետ է կանչել իր արտադրանքը 83 երկրներում»,- հաղորդում է BBC-ն։ Հաղորդվում է, որ ավելի քան 12 միլիոն տուփ մանկական փոշի կաթի կեր է հետ կանչվել` Lactalis կոնցեռնի գործարանում հայտնաբերված սալմոնելայի շուրջ աղմուկից հետո։
Հաղորդվում է, որ սալմոնելայով հիվանդության 35 դեպք է գրանցվել Ֆրանսիայում և մեկը` Իսպանիայում։ Lactalis կոնցեռնի գլխավոր գործադիր տնօրեն Էմանուել Բենյեն հայտարարել է, որ կազմակերպությունը նպատակ չունի թաքցնել գործարաններից որևէ մեկում վարակի առկայությունը և կփոխհատուցի բոլոր տուժածներին։