«Չորրորդ իշխանություն». Աշոտ Ղահրամանյանն իր տոնական արձակուրդը հարմարեցրել է վարչապետի արձակուրդի հետ
10:20 , 12 հունվար, 2018««ՉԻ» տեղեկություններով՝ Արմավիրի մարզպետ Աշոտ Ղահրամանյանն իր տոնական արձակուրդը հարմարեցրել է շեֆի՝ վարչապետ Կարեն Կարապետյանի արձակուրդի հետ և այդ պատճառով չի կարողացել ներկա գտնվել մարզում մեկնարկած ձմեռային առաջին զորահավաքին: Նկատենք, որ Աշոտ Ղահրամանյանն իր արձակուրդը սովորաբար նախընտրում է անցկացնել տաք եղանակին, սակայն այս անգամ նա խախտել է ավանդույթը: Հիշեցնենք, որ վերջերս Արմավիրի մարզպետը պատասխանելով լրագրողի՝ իրեն ուղղված կենսաթոշակի մեկնելու մասին հարցին, պատասխանել է, որ իր աշխատելու ցանկությունը տեղն է, իրենից էլ վերևներում դժգոհ չեն:
Մեր տեղեկություններով՝ Աշոտ Ղահրամանյանը ներդրումային պայմանագրեր է կնքել Ռուսաստանի, Իտալիայի և Չեխիայի հետ, որոնց կենսագործման արդյունքում մարզում զարկ կտրվի բնակարանաշինությանը, ապրանքաշրջանառությանը, թարմ բնամթերքի արտահանմանը: Այդ իսկ պատճառով էլ Ղահրամանյանը չի պատրաստվում հեռանալ մարզպետի պաշտոնից՝ ներդրումային ծրագրերի իրագործումը և դափնիները թողնելով իր հաջորդին: Այնպես որ, 70-ամյա մարզպետի կենսաթոշակի անցնելու մասին խոսակցություններն ավելորդ են»,-գրում է թերթը:
Նյութն ամբողջությամբ կարդացեք թերթի այսօրվա համարում: