Մոսկվայի ոստիկանությունը բերման է ենթարկել ընդդիմադիր Իլյա Յաշինին
20:10 , 28 դեկտեմբեր, 2017Azatutyun.am-ը գրում է.
Մոսկվայի ոստիկանությունը բերման է ենթարկել ընդդիմադիր գործիչ Իլյա Յաշինին, ով դեկտեմբերի 24-ին կազմակերպել էր «Ազատ ընտրությունների օր» բողոքի ակցիան:
Մոսկվայի քաղաքապետարանը և դատախազությունը ակցիան ապօրինի են անվանել, սակայն այդ օրը ձերբակալություններ չեն եղել: Միջոցառումից հետո Յաշինին փոխադրել են ոստիկանության բաժանմունք և արձանագրություն կազմել վարչական խախտումների հոդվածով: