Արամեն տարին ավարտում է բուռն աշխատանքով, որի արդյունքը, սակայն, կերեւա հաջորդ տարի միայն: Վերջին մեկ ամսվա ընթացքում երգիչը երկու տեսահոլովակ է նկարահանել: Առաջինի մասին արդեն պատմել ենք, այսօր էլ ներկայացնում ենք լուսանկարներ երկրորդի նկարահանման ընթացքից:
«Գնալ-գալով» նախնական անվանմամբ նոր երգը հեղինակային է. խոսքերն ու երաժշտությունն Արամեն է գրել, իսկ գործիքավորումն արել են Կարենն ու Սեւակը: Երգչի մենեջեր Սյոմա Կոդաբաշյանի խոսքով` պարային հոլովակ են նկարահանել, որի ռեժիսորն Արեն Բայադյանն է, ոճաբանը` Արամ Նիկոլյանը: