Գիտնականները պարզել են, թե կոնֆլիկտներում սոցիալական որ դասն է ավելի ողջամիտ

Վաթելոյի համալսարանի գիտնականները հետազոտություն են անցկացրել, որի արդյունքում ապացուցել են, որ ցածր սոցիալական դասի ներկայացուցիչները կարող են շատ ավելի խելացի ու ողջամիտ լինել միջին դասի ներկայացուցիչներից։ Այս մասին հայտնում է phys.org-ը։

Հոգեբանները որոշել են ուսումնասիրել տարբեր դասերի ներկայացուցիչների ուղեղների գործունեությունը։ Փորձի ընթացքում կամավորների համար արհեստականորեն ստեղծել են կոնֆլիկտային իրավիճակներ։ Մասնագետները հետևել նրանց արարքներին և մտածողությանը։

Արդյունքում պարզվել է, որ նրանք, ովքեր մեծացել են սեղմ պայմաններում, կարողանում են հաշվի առել շրջապատի մարդկանց կարծիքը և ավելի ողջամիտ են գտնվել կոնֆլիկտային իրավիճակներում, քան միջին դասի ներկայացուցիչները։

Հետազոտողները նշում են, որ ստացված արդյունքները կիրառելի են միայն միջանձնային, այլ ոչ թե միջխմբային հարաբերությունների համար։