ՄԻԵԴ-ը կքննարկի Ադրբեջանի պարտավորությունների չկատարման հարցը
13:00 , 15 դեկտեմբեր, 2017Panorama.am-ը գրում է.
Մարդու իրավունքների եվրոպական դատարանը քննության է առնելու, թե արդյո՞ք Ադրբեջանը հրաժարվում է կատարել ընդդիմադիր քաղաքական գործիչ Իլգար Մամմադովի վերաբերյալ ՄԻԵԴ վճիռը: Սա կլինի Մարդու իրավունքների Եվրոպական կոնվենցիայի խախտման ընթացակարգի առաջին կիրառումը:
Այս ընթացակարգը, ինչպես ասվում է ՄԻԵԴ հաղորդագրության մեջ, Մարդու իրավունքների եվրոպական կոնվենցիայի մեջ ներկայացվել է 2010թ-ին, որը թույլ է տալիս ԵԽ նախարարների կոմիտեին հարց ուղղել ՄԻԵԴ պարզելու՝ արդյո՞ք երկիրը հրաժարվում է կատարել ՄԻԵԴ վերջնական վճիռը:
ՄԻԵԴ-ը ԵԽ նախարարների կոմիտեի պաշտոնական հարցումը ստացել է դեկտեմբերի 11-ին: Ադրբեջանի կողմից Կոնվենցիայի խախտման ընթացակարգի հարցը ՄԻԵԴ Մեծ պալատը կքննարկի դատական բարձրագույն կազմով: Նշվում է, որ ԵԽ նախարարների կոմիտեն և բոլոր շահագրգիռ կողմերը կարող են ներկայացնել գրավոր մեկնաբանություններ՝ Մեծ պալատի նախագահի կողմից սահմանված վերջնաժամկետից առաջ:
Ամբողջակցան հոդվածը կարող եք կարդալ այստեղ