Վայրի փիղը ոտնակոխ է արել սելֆիի սիրահարին
22:00 , 12 դեկտեմբեր, 2017«Հնդկական Օդիշա (նախկին Օրիսա) նահանգում վայրի փիղը ոտնակոխ է արել երիտասարդին, ով փորձել է նրա ֆոնին սելֆի անել»,- հայտնում է Pragativadi պարբերականը։
Ջայակրուշնա Նայակը ցանկացել է լուսանկարվել միայնակ արուի հետ, որը հեռացել էր հոտից։ Կենդանին թափառել է Նուապադա գյուղի տաճարի մոտ։ Փիղը շարժվել է սովորականից դանդաղ և հիվանդ է թվացել, այդ իսկ պատճառով երիտասարդը որոշել է, որ կենդանին անվտանգ է։ Սակայն երբ նա պատրաստվել է սելֆի անել, կենդանին հարձակվել է նրա վրա։
Տուժածին կրիտիկական վիճակով տեղափոխել են հիվանդանոց, սակայն բժիշկները չեն կարողացել փրկել նրա կյանքը։