Նուրբ թխվածքաբլիթ «Վարդեր» կաթնաշոռային խմորից․ պատրաստվում է շատ հեշտ և արագ

Շատ համեղ տնական թխվածքներ, որը պատրաստելու համար հարկավոր չէ մեծ ջանքեր թափել։

Բաղադրիչներ՝

• կաթնաշոռ - 250 գրամ,
• մարգարին - 100 գրամ,
• ալյուր - 400 գրամ,
• ձվի դեղնուց - 2 հատ,
• շաքար - 120 գրամ,
• վանիլին - 1 գրամ,
• սոդա - 1/4 թեյի գդալ,
• աղ - 1 պտղունց։

Պատրաստման եղանակը՝

• Խառնել կաթնաշոռը մարգարինի, շաքարի, վանիլի, աղի և ձվի դեղնուցի հետ։
• Հարում ենք պատառաքաղով մինչև միատարր զանգված ստանալը։
• Աստիճանաբար ավելացնում ենք խառնած սոդան ալյուրի հետ և հունցում ենք փափուկ խմոր։
• Ալյուրը կարող է պահանջվել ավելի շատ՝ կախված կաթնաշոռի յուղայնությունից և դեղնուցի չափերից։

• Գրտնակում ենք խմորը 2-3 մմ հաստությամբ և  կտրում ենք բաժակի տրամագծի չափով շրջանակներ։
• Դնում ենք 3 կամ 4 շերտեր իրար վրա և զգուշորեն պտտում՝ պատրաստելով ռուլետներ։
• Ռուլետը դանակով մեջտեղից բաժանում ենք 2 մասի։
• Անում ենք 2 վարդեր և դնում տապակայի մեջ, որը պատված է խոհանոցային թղթով։
• Եփում ենք 180 աստիճանի տակ մոտ 20 րոպե մինչև ախորժալի կարմիր գույն ստանալը՝ փորձելով չվառել։
• Լցնում ենք տաք վարդերի վրա շաքարի փոշի։

Բարի ախորժակ։