Bravo.am-ը գրում է.
Արեւիկ Ուդումյանը եւ Արամ Վարդեւանյանն ավելի քան 1 տարի է՝ վայելում են ծնողներ լինելու բերկրանքը: Տեւական դադարից հետո հաղորդավարուհին կրկին աշխատանքի է անեցել: BRAVO.am-ը օրերս հանդիպել է նրան եւ փոքրիկ Ռուբենին, լուսանկարել եւ զրուցել մայրության, կյանքի նոր փուլի, աշխատանքի մասին՝ որպես Հանրային ռադիոյի հասարակայնության հետ կապերի պատասխանատու, եւ ոչ միայն:
-Մայրանալուց հետո Ձեր կյանքում սկսվեց մի նոր փուլ: Ինչպիսի՞ն է այն:
-Փորձեմ իմ կյանքը բաժանել մի քանի փուլի: Մինչեւ ամուսնությունը ես էի աշխատանքս, ընկերներս: Տանն ինձ համար այնպիսի պայմաններ էին ստեղծված, որ հնարավորություն ունեի կենտրոնանալ ինձ վրա: Հետո սկսվեց մյուս փուլը. անձնական կյանք, հանդիպում Արամի հետ եւ ամուսնություն: Դա այն շրջանն է, երբ ապրում ես երկուսի օրակարգով, խնդիրներով եւ ժամանակացույցով: Ռուբենը երրորդ շրջանն է, իսկ դա արդեն բոլորովին այլ պատմություն է: Տղայիս ծնվելուց հետո առաջին ամիսներին կարողացա լրիվ իրենով զբաղվել: Ուրախ էի, որ չաշխատելու ճոխություն ունեի: Ամբողջությամբ փոխվեց առօրյաս: Այսօր արդեն կրկին աշխատում եմ՝ նույն ոգով ու հաճույքով: Աշխատավայրում Ռուբենին հիշելիս շուրջս ամեն ինչ փայլում է: Նա կարծես արեւ լինի, դեղատոմս, որն ամբողջությամբ փոխում է տրամադրությունս, առօրյաս, ինքնազգացողությունս:
-Ինչպիսի՞ մայր էիք պատկերացնում Ձեզ եւ ինչպիսի՞ն եք այսօր:
-Հուսով եմ՝ ուրախ ու ջերմ: Երեխայի դաստիարակության հարցում հավատում եմ, որ լավագույն արդյունք ստանալու համար պետք է հաճախ զրուցել նրա հետ եւ շատ սեր տալ նրան:
Ամբողջական հոդվածը կարող եք կարդալ այստեղ։