ԵԱՀԿ ՄԽ համանախագահների կողմից որոշակի ակտիվություն կա. ՀՀ ԱԳՆ
13:10 , 16 նոյեմբեր, 2017Aysor.am-ը գրում է.
ՀՀ նախագահ Սերժ Սարգսյանի՝ Մոսկվա այցն ու ՌԴ արտգործնախարար Սերգեյ Լավրովի՝ Հայաստան այցը վաղուց պլանավորված էին, կառավարության նիստից հետո լրագրողների հետ զրույցում ասաց ՀՀ արտաքին գործերի փոխնախարար Շավարշ Քոչարյանը:
«Ինչ վերաբերում է մշակութային օրերին, դա ծրագիր է, որը վաղուց նախապատրաստվում էր, նույնը վերաբերում է Լավրովի այցին, որը կապված է դիվանագիտական հարաբերությունների 25-ամյակի հետ», - ասաց Շ. Քոչարյանը:
ՀՀ փոխարտգործնախարարն ասաց, թե ակնհայտ է, որ որոշակի ակտիվություն կա համանախագահների կողմից՝ կապված Լեռնային Ղարաբաղի հակամարտության կարգավորման հետ:
«Ընդհանուր առմամբ, գործընթացի վեկտորը տրվել է Վիեննայում և առ այսօր դեռ չի փոխվել», - ասաց Շավարշ Քոչարյանը:
Նա նշեց, որ համանախագահների ակնկալիքն այն է, որպեսզի կարգավորման գործընթացում առաջընթաց լինի:
«Պետք է կողմերի միջև վստահություն լինի, ինչն էլ իր հերթին ենթադրում է Վիեննայի և Սանկտ Պետերբուրգի պայմանավորվածությունների իրականացում», - ասաց նա:
Ամբողջակցան հոդվածը կարող եք կարդալ այստեղ