«Ցերեկային» վերքերը ավելի արագ են բուժվում. կենսաբաններ

Քեմբրիջի մոլեկուլյար կենսաբանության լաբորատորիայի բժիշկները մի շարք փորձերի արդյունքում պարզել են, որ օրվա ցերեկային ժամերին ստացած վերքերն ավելի արագ են բուժվում, քան գիշերը ստացած վերքերը: Այս մասին հաղորդում է BBC-ն:

Գիտնականներն այս եզրակացությանն են հանգել՝ դիտարկելով 118 հիվանդների այրվածքների ապաքինման գործընթացը:

Կենսաբանների դիտարկմամբ՝ «գիշերային» այրվածքների բուժման համար պահանջվել է միջինը 28 օր, իսկ «ցերեկայինների» համար՝ 17 օր:

Գիտնականների կարծիքով՝ վերականգնման տարբեր արագությունը կարող է բացատրվել բջիջների՝ տարբեր արագությամբ վերականգնմամբ, իսկ բջիջները ցերեկվա ժամերին ավելի արդյունավետ են գործում: