Մ-6 միջպետական նշանակության ճանապարհը ճանաչվեց գերակա հանրային շահ
05:15 , 10 նոյեմբեր, 2017Operativ.am-ը գրում է
Մ-6` Վանաձոր-Ալավերդի-Վրաստանի սահման միջպետական նշանակության ավտոմոբիլային ճանապարհի վերականգնման և բարելավման ծրագրի շրջանակում որոշ տարածքների, գույքային իրավունքի նկատմամբ ճանաչվեց բացառիկ` գերակա հանրային շահ: Այդ մասին որոշումն ընդունվեց կառավարության նիստում:
«Եվրոպական ներդրումային բանկի և Ասիական զարգացման բանկի համատեղ ֆինանսավորմամբ իրականացվող ծրագրի նպատակն է վերակառուցել և արդիականացնել Հայաստանը Վրաստանի հետ կապող շուրջ 90 կմ ընդհանուր երկարությամբ հիմնական տարանցիկ մայրուղին»,- ասաց ՀՀ տրանսպորտի, կապի և տեղեկատվական տեխնոլոգիաների նախարար Վահան Մարտիրոսյանը: