Քրդերը պատրաստ են Իրաքին վերադարձնել նավթի և սահմանի նկատմամբ վերահսկողությունը


19:10 , 6 նոյեմբեր, 2017

Yerkir.am-ը գրում է.

Իրաքյան Քուրդիստանի իշխանությունները պատրաստ են դաշնային կառավարությանը փոխանցել վերահսկողությունը նավթի, սահմանի և շրջանի բոլոր եկամուտների նկատմամբ, եթե Բաղդադը կատարի իրենց պայմանները: Այդ մասին ասել է շրջանային կառավարության ղեկավար Նեչիրվան Բարզանին. հայտնում է ТАСС-ը:

Նա նշել է, որ մի շարք նկատողություններ ունի Իրաքի` 2018-ի բյուջեի վերաբերյալ, որն ընդունվել է առանց քրդերի մասնակցության: Բարզանին, որպես պայման, առաջարկել է դաշնային իշխանություններին` միջոցներ հատկացնել ինքնավարության ծառայողների աշխատավարձի համար և հատկացնել բյուջեի 17 տոկոսը: