Կուրգանում ձերբակալել են 45-ամյա Անատոլի Ե.-ին, ով դաժանաբար ծեծի է ենթարկել իր ծանոթ կնոջը։ Նա 4 ժամ շարունակ տանջել է 41-ամյա կնոջը՝ կծելով նրա քիթն ու ականջները։ Տուժողի հարազատներն ասել են, որ նա մանրամասն պատրաստվել է ու ուզել է սպանել կնոջը։
Նրանք իրար հետ ծանոթացել են համացանցի միջոցով։ Շահելով կնոջ վստահությունը՝ Անատոլին նրան կանչել է իր մոտ՝ հանրակացարան։
Պատմում են, որ նա ձեռքերով փորձել է խեղդել այդ կնոջը, հետո երբ արյան պատճառով ձեռքերը սահել են, սկսել է խեղդել մալուխով։ Հարևանները ուշադրություն չեն դարձրել բղավոցների վրա, քանի որ հանրակացարանում դա սովորական երևույթ է։ Ոստիկանություն կանչել են միայն այն ժամանակ, երբ հոգնել են այդ ձայները լսելուց։