Դդմի հյութը կիտրոնով և նարնջով. անչափ համեղ և օգտակար այս հյութը պահածոյացնում եմ, սակայն մինչև ձմեռ վերջացած է լինում

Բաղադրիչներ

• 1 միջին չափի դդում
• 200-300 գր շաքարավազ
• 2 կիտրոն
• 2 նարինջ

Պատրաստումը

• Դդումը մաքրել և կտրտել ոչ մեծ կտորներով՝ յուրաքանչյուրը 2-4 սմ:
• Լցնել ամբողջը կաթսայի մեջ և վրան այնքան ջուր լցնել, որ հասնի դդմի մակարդակին:
• Կաթսան դնել կրակին, եռալուց հետո, եփել 5-10 րոպե, որից հետո թողնել, որ մի փոքր հովանա:
• Անցկացնել պտղամիսը մաղով կամ բլենդերով դարձնել միատարր զանգված:
• Հյութը կրկին լցնել կաթսայի մեջ, ավելացնել շաքարավազ, նարնջի և կիտրոնի հյութ:
• Հասցնել հյութը եռման աստիճանի և եփել 5 րոպե: Այնուհետև լցնել 2-3 լիտր տարողությամբ բանկաների մեջ և փակել:

Բարի ախորժակ: