«Նա միշտ պիտի լինի արենայում և ամենացայտուն քաղաքական գործիչներից մեկը». Վահրամ Բաղդասարյանը՝ Սերժ Սարգսյանի վարչապետ դառնալու մասին

Tert.am-ը գրում է.

Մենք այս թեման փակել էինք արդեն, Սերժ Սարգսյանը մինչև 2018 թվականի ապրիլ նախագահելու է, և որևէ քննարկում չենք ունեցել, թե ինչ է կատարվելու ապրիլից հետո. այսօր ԱԺ ճեպազրույցների ժամին նման հայտարարություն արեց ԱԺ ՀՀԿ խմբակցության ղեկավար Վահրամ Բաղդասարյանը՝ պատասխանելով 2018 թվականի վարչապետի թեկնածուի վերաբերյալ լրագրողների հարցին:

«Զինվե՛ք համբերությամբ, մենք բավական խնդիրներ ունենք, դրանցով ենք զբաղված»,– ասաց ՀՀԿ խմբակցության ղեկավարը:  

Հարցին`այսինքն՝ ոչ մի ՀՀԿ-ական Սերժ Սարգսյանի հետ չի՞ խոսել վարչապետի թեկնածուի մասին, տաբո՞ւ է դրված այս թեմայի վրա, հանրապետական պատգամավորը պատասխանեց. «Մենք դրա կարիքը չենք զգում, երբ կգա ժամանակը, հարցադրում անելու կարիք չի լինի, Սերժ Սարգսյանն ինքը կխոսի այդ մասին»:

Ամբողջակցան հոդվածը կարող եք կարդալ այստեղ