11:30 , 8 հոկտեմբեր, 2017
Պատրաստման եղանակը
- Լոբին մի քանի ժամ ջրում թրջում ենք, իսկ ավելի լավ կլինի գիշերը ջրում թողնենք,
առավոտյան ջուրը փոխենք և եփենք` մինչև պատրաստ լինի։ Կաղամբը մանր կտրատում ենք։
- Թավայի մեջ ենք լցնում լոլիկի հյութը, սոյայի սոուսը, ավելացնում ենք կաղամբը
և խառնում ենք։
- Այնուհետև կափարիչով ծածկում ենք և թույլ կրակի վրա շոգեխաշում` մինչև պատրաստ լինի։ Այնուհետև ավելացնում ենք եփած լոբին, աղ ենք անում և խառնում։ Մանթիների միջուկը պատրաստ է։
- Պատրաստում ենք խմորը։ Ալյուրը մաղում ենք և աղի հետ խառնում։ Գազարի հյութը
հասցնում ենք եռման աստիճանի, ալյուրի մեջ փորվածք ենք անում և լցնում ենք
գազարի հյութը։
- Խմոր ենք հունցում, ծածկում և 30 րոպեով հանգիստ թողնում։
- Այնուհետև խմորը 3 հավասար մասերի ենք բաժանում։
- Խմորի յուրաքանչյուր մասը շրջանաձև գրտնակում ենք:
- 4 հավասար մասերի բաժանում։
- Միջուկը դնում ենք խմորի ծայրամասում:
- փաթաթում ենք և ծայրերը ամրացնում (ցանկության դեպքում գազարի պես ենք փաթաթում)։
- Նշված բաղադրիչներից 12 հատ մանթի է ստացվում։ Մանթիները գոլորշու վրա եփում ենք։
- Պահքի մանթիները ձևավորում ենք կանաչիով և մատուցում տաք վիճակում` սոյայի սոուսի հետ։
Բարի ախորժակ։
Կարող ենք տարբեր միջուկներով մանթի պատրաստել, կարևորն այն է, որ մթերքներն իրար հետ համադրելի լինեն: