«Հրապարակ»․ Էլիտան աչք չի բացում քեֆ-ուրախություններից. հերթական էլիտար հարսանիքի հյուրերի ցանկը գլխավորում էր Սերժ Սարգսյաանը
06:49 , 4 հոկտեմբեր, 2017«Հրապարակ» օրաթերթը գրում է.
«Աշունը եկել է, հարսանիքների սեզոնը՝ բացվել, և իշխանական էլիտան աչք չի բացում քեֆ-ուրախություններից:
Հոկտեմբերի 2-ին «Ֆլորենս» ռեստորանային համալիրում տեղի է ունեցել ևս մեկ էլիտար հարսանիք․ ՀՀ փոխոստիկանապետ Հունան Պողոսյանի որդին ամուսնացել է Սամվել Կարապետյանի քրոջ դստեր հետ:
Հարսանիքին ներկա է եղել հայաստանյան իսթեբլիշմենթը` Սերժ Սարգսյանի գլխավորությամբ` առանց «խնամի-սանիկ» Հովիկ Աբրահամյանի և Գագիկ Ծառուկյանի: Առաջիկայում ևս մի քեֆ-ուրախություն է սպասվում. հոկտեմբերի 20-ին տեղի կունենա իշխանությունների «լյուբիմչիկ», անպարտելի` «ջրում չխեղդվող, կրակում չայրվող» ՍԱՍ-ի Արտակի դստեր հարսանիքը։
Նա ամուսնանում է Ծաղկաձորի «Ռոսիա» հյուրանոցային համալիրի համասեփականատերերից մեկի որդու հետ»: